Hvað er löggilt þýðing?
Löggilt þýðing, oft kölluð skjalaþýðing, er nákvæm þýðing sem þýðandi staðfestir með yfirlýsingu, undirskrift og stimpli um að hún sé rétt og samhljóða frumtextanum. Á Íslandi eru slíkar þýðingar unnar af löggiltum skjalaþýðendum, en í öðrum löndum gilda reglur viðkomandi ríkis – til dæmis tłumacz przysięgły í Póllandi eða traducteur assermenté í Frakklandi. Við vitum hvaða kröfur gilda hverju sinni og veljum þýðanda í samræmi við það.
Fyrir hverja þýðum við?
Einstaklinga sem flytja til eða frá Íslandi, nemendur sem sækja um nám, fyrirtæki sem ráða erlent starfsfólk eða starfa á erlendum mörkuðum, lögmenn og opinberar stofnanir. Þýðingarnar okkar eru notaðar hjá Þjóðskrá, Útlendingastofnun, sýslumönnum, dómstólum, háskólum, bönkum, sendiráðum og erlendum yfirvöldum.
Þýðing og apostille í einni pöntun
Ef skjalið á að nota í öðru landi getur þurft apostille á frumritið, á þýðinguna eða hvort tveggja. Við skipuleggjum rétta röð, sjáum um vottunina og afhendum skjalið tilbúið til notkunar – þú þarft ekki að hlaupa á milli stofnana.
Skjöl sem við þýðum oft
- Fæðingar-, hjúskapar- og dánarvottorð
- Sakavottorð og búsetuvottorð
- Prófskírteini, einkunnir og námsferilsyfirlit
- Ökuskírteini og persónuskilríki
- Dómar, skilnaðargögn og forsjárúrskurðir
- Samningar, umboð og yfirlýsingar
- Læknisvottorð og sjúkraskýrslur
- Ársreikningar, samþykktir og fyrirtækjavottorð
- Erfðaskrár og skiptagögn
- Launaseðlar, skattframtöl og bankayfirlit